चीनची महागाई ठरवणार शेअर बाजाराची दिशा; गुंतवणूक वाढणार – Lokmat

B

Lokmat Business
चीनची महागाई ठरवणार शेअर बाजाराची दिशा; गुंतवणूक वाढणार
By ऑनलाइन लोकमत | Published: September 5, 2022 07:54 AM2022-09-05T07:54:30+5:302022-09-05T07:55:07+5:30

प्रसाद गो. जोशी  
युरोपामध्ये होऊ घातलेली व्याज दरवाढ आणि चीनच्यामहागाईची गुरुवारी जाहीर होणारी आकडेवारी यावरच आगामी सप्ताहातील बाजाराची वाटचाल अवलंबून राहणार आहे. देशांतर्गत काहीच प्रमुख घडामोडी अपेक्षित नसल्यामुळे जागतिक बाजारातील घडामोडीच बाजाराची दिशा ठरवतील. अन्य अर्थव्यवस्थांपेक्षा भारतीय अर्थव्यवस्था चांगली वाढ दाखवत असल्यामुळे परकीय गुंतवणुकीचा भारताकडे सुरू असलेला ओघ कायम  राहण्याची शक्यता असून भारतीय बाजारात वाढ होण्याचा अंदाज आहे. 
गतसप्ताहामध्ये बाजार बराच अस्थिर होता. त्यामुळे बाजारात मोठ्या घसरणी आणि चढाया बघायला मिळाल्या. असे असले तरी सप्ताहाचा विचार करता सेन्सेक्स आणि निफ्टीमध्ये किरकोळ स्वरूपात घट झाली. सप्ताहात सेन्सेक्स २९.९९ अंशांनी तर निफ्टी १९.४५ अंशांनी खाली येऊन बंद झाला. मात्र मिडकॅप आणि स्मॉलकॅप या क्षेत्रीय निर्देशांकांनी अनुक्रमे ३४४.९१ आणि ३८४.९३ अंशांची वाढ नोंदविली. यामुळे बाजारावर एकूणच नकारात्मक परिणाम फारसा दिसून आलेला नाही.
आगामी सप्ताहात युरोपच्या सेंट्रल बॅंकेची होणारी बैठक आणि चीनमधील चलनवाढीची जाहीर होणारी आकडेवारी या प्रमुख घडामाेडी आहेत. याशिवाय खनिज तेलाच्या किमती आणि रुपयाचे मूल्य यावरही बाजारातील घडामोडी ठरणार आहेत.
परकीय वित्तसंस्थांची २० महिन्यातील सर्वाधिक गुंतवणूक
दोन महिन्यांपासून भारतीय शेअर बाजारांमध्ये गुंतवणूक करीत असलेल्या परकीय वित्तसंस्थांनी ऑगस्ट महिन्यामध्ये २० महिन्यांमधील सर्वोच्च गुंतवणूक केली आहे. गतसप्ताहात या संस्थांनी १३०५.५४ कोटी रुपयांचे समभाग खरेदी केले तर देशांतर्गत वित्तसस्थांनी २३०.२५ कोटी रुपयांच्या समभागांची विक्री केली. ऑगस्ट महिन्याचा विचार केला असता परकीय वित्तसंस्थांनी भारतात ५१,२०० कोटी रुपये गुंतविले आहेत. याचवेळी देशांतर्गत वित्तसंस्था मात्र विक्री करीत असलेल्या दिसून आल्या. 
बाजारमूल्य वाढले दीड लाख कोटींनी
गतसप्ताहात सेन्सेक्स आणि निफ्टीमध्ये किरकोळ घट झाली असली तरी मिडकॅप आणि स्मॉलकॅप या क्षेत्रीय निर्देशांकांमध्ये वाढ झाल्याने बाजारातील सर्व नोंदणीकृत कंपन्यांचे भांडवल १,५०,६२१.७९ कोटी रुपयांनी वाढून ते २,७८,४६,७३३.३९ कोटी रुपयांवर पोहोचले आहे. मागील सप्ताहात बाजाराचे भांडवलमूल्य घटले होते.
Copyright © 2020 Lokmat Media Pvt Ltd

source

🤞 Don’t miss these tips!

We don’t spam! Read more in our [link]privacy policy[/link]

close

Don’t miss these tips!

We don’t spam! Read our [link]privacy policy[/link] for more info.


    Leave a comment
    Your email address will not be published. Required fields are marked *

    This site uses Akismet to reduce spam. Learn how your comment data is processed.

    H
    Hemant Malhotra
    All About Women: Life, Money
    December 24, 2020
    Save
    All About Women: Life, Money
    H
    Hemant Malhotra
    ICICI Bank Personal Financing
    February 15, 2021
    Save
    ICICI Bank Personal Financing
    T
    Tanvi Kaushik
    Small Business Loans: A Boon for Women Entrepreneurs
    August 29, 2022
    Save
    Small Business Loans: A Boon for Women Entrepreneurs
    Sponsored
    Sponsored Pix
    Subscribe to Our Newsletter

    Don’t miss these tips!

    We don’t spam! Read our [link]privacy policy[/link] for more info.